Astro эхнээс нь дуустал!

***********************
Та бүхэндээ энэ өдрийн мэндийг хүргэе! Энэхүү сургалт нь урьдчилсан захиалгаар нээгдэж буй бөгөөд хичээлүүд нь 12 сарын 1-ээс өдөр тутамд нэмэгдэн 2025 оны 1 сарыг дуустал нийтдээ 100+ видео хичээлээс бүрдэх төлөвлөгөөтэй байна.

Урьдчилсан захиалга гэж юу вэ? Энэ нь ямар нэг сургалтыг бүтээгдэж байхад нь хямд үнээр худалдаж аваад хамт үзэж судлаж явах боломжийг хэлдэг. 1234.mn сайтын олон мэргэжлийн сургалтууд эхлээд урьдчилсан захиалга байдлаар нээгдэж байсан билээ. Танд энэхүү гайхалтай сургалт таалагдана гэдэгт бид бүрэн итгэлтэй байна.
***********************

Та 2023 оноос дэлхий даяар шуугиан тарьж хурд хүчээрээ гайхуулан байгаа супер орчин үеийн Astro фрэймворкийн тухай сонссон уу? Дашрамд хэлэхэд 1234.mn сайтыг энэхүү гайхалтай Astro фрэймворк дээр хөгжүүлэн удахгүй хэдхэн хоногийн дараа гаргах гэж байгаа билээ.

Тэгвэл Astro гэж яг юу вэ? Яагаад бид түүнийг сурах хэрэгтэй болж байна вэ?

Нээлтээ хийгээд 2 жил л болж байгаа атал Google, Microsoft, Porche, NBC news зэрэг дэлхийн томчууд аль хэдийн авч ашиглаж буй энэхүү Astro хэмээх фрэймворк нь зүгээр ч нэг фрэймворк биш харин вэб сайт бүтээх технологид гарч буй хувьсгал гэж хэлж болно. Ердөө 2022 оны 9 сард нээлтээ хийсэн энэхүү Астро фрэймворк нь өөрийн цахилгаан мэт хурд хүч, бишрэм инновацлаг санаа, код бичихэд супер хялбар байдал, хайлтын системүүдтэй супер зохицох байдал зэргээрээ тоглоомын дүрмийг өөрчлөгч болон гарч ирж байна. Хэдийгээр Астрогоор ямар ч сайтыг асуудалгүй бүтээх боловч онлайн худалдаа, контент түгээгч төрлийн сайт бүтээхэд илүү тохиромжтой байхаар бодолцож хийгдсэн байна. Хэрэв та Астрогоор сайт хийх л юм бол удаан ажиллах сайт хийх угаасаа боломжгүй байхаар бүтээгджээ!

Астро чухам юугаараа анхаарал татаж байна вэ? Астро нь фвэймворк гэхээс гадна мөн орчин үеийн вэб сайтын талаарх шинэ философи юм гэж хэлж болох юм. Астро нь дараах зүйлсүүдийг вэб хөгжүүлэлтэнд чухал гэж онцлон гаргаж иржээ. Үүнийг жагсаавал:

1) Javascript-ийг аль болох илгээхгүй байх. Астро нь бусад фрэймворк шиг анх сайтыг ачаалах үед том том javascript ачаалахыг буруу гэж үздэг. Түүний оронд шууд л javascript-гүй хуудсыг эхлээд илгээчихдэг бөгөөд дараа нь уг хуудсыг хэрэглэгч хэрхэн үзэж харж байгаагаас шалтгаалан шаардлагатай javascript-үүдийг хэрэгтэй үед нь илгээдэг тул Астро хуудас нүд ирмэх зуур хэрэглэгчид ачаалагдан харагддаг байна. Энэ бол бизнес болон хэрэглэгчдийн хамгийн дуртай зүйл билээ.

2) Эрх чөлөөт эрлийз фрэймворк. Астро нь дотроо аль нэг хуудас дээрээ таныг React, Vue, Svelte, SolidJS зэрэг орчин үеийн фрэймворкийн компонентуудыг шууд бичиж ашиглах боломжийг чөлөөтэй өгдөг. Эсвэл та зүгээр л дан Javascript-ээрээ ч бичээд явж болно. Та бүр нэг хуудсанд эдгээр технологийг холин бичсэн ч болно. Энэ нь олон төрлийн хөгжүүлэгчид нэг төсөл дээр чөлөөтэй ажиллах боломжийг нээх юмуу эсвэл аль нэг газарт аль нэг технологийн давуу талыг ашиглах боломжийг чөлөөтэй болгон нээж өгч байна.

3) Хуудас доторх арлууд. Вэб хуудсыг далай гэж үзвэл дотор нь байгаа динамик хариу үйлдэл үзүүлэх чадвартай хэсгүүдийг арал гэж нэрлээд тус тусдаа бие даасан арлуудыг бүтээх боломжтой филосифийг Астро хэрэгжүүлдэг. Арлууд нь тус тусдаа javascript файлтай байх бөгөөд хоорондоо харилцах чадвартай байхаас гадна хэрэглэгчийн дэлгэц дээр уг арал гарч ирээгүй байгаа тохиолдолд уг javascript-үүдийг хэрэглэгч рүү илгээдэггүй (partual hydration). Ингэснээр хэрэглэгчдийн ачаалах шаардлагатай javascript-ийн хэмжээ дээд зэргээр бага байж сайт өндөр хурдтай байх болно.

4) Хөгжүүлэлтийн маш хялбар байдал. Астрогийн PHP шиг файлд үндэслэн дуудалт (file based routing) болон компонент дизайныг нь ашиглан та вэб сайтыг зөнгөөрөө л хялбар биччих боломжтой. Дээр нь Астро хуудсыг JSX зэрэг тусгай маркап хэл суралгүйгээр шууд html дотор нь биччихдэг учраас танд нэмж сураад байх юу ч хэрэггүй юм. Та javascript, html гадарладаг уу, тэгвэл та асуудалгүйгээр шууд Астро сайт бүтээж чадна.

5) Удаан сайт бичих боломжгүй. Таны сайтанд ашиглах зургуудийг Астро нь автоматаар оптимал хэмжээ нягтшилд хөрвүүлчихдэг зэрэг олон маш хурдтай байлгах арга технологиудыг цаанаа хэрэгжүүлж байдаг тул та удаан вэб сайт хийчих вий гэж санаа зовох шаардлаггүй байх болно.

6) Хайлтын системд дээд зэргээр зохицсон. Астро нь хуудас бүрт тусд нь html үүсгэдэг тул тул хайлтын системд хамгийн тохиромжтой ба хайлтын системүүд ч өндөр хурдтай сайтын ранк оноог илүү өгдөг болсон нь Астрогоор бүтээгдсэн вэб сайтууд бусдаасаа илүү амжилтанд хүрэх боломжийг нээж өгч байна.

7) SSR буюу Server Side Rendering, SSG буюу Static Site Generation боломжыг бүрэн агуулсан тул таны Астро сайт статик сайтын өндөр хурдтай байхаас гадна динамик контентуудыг сэрвэр талд PHP шиг рэндэрлэн илгээх чадвартай.

8) Орчин үеийн түүлүүдтэй маш хялбар ажиллах боломж. Астро нь MD болон төрөл бүрийн гуравдагч апинууд, CMS болон бусад орчин үеийн түүлүүдтэй маш нийцтэй ажиллах ба таны хөгжүүлэлтийн хурдыг аль болох хурдан байлгахаар бодолцож бүтээгдсэн. Астро нь дээрх 8 болон бусад бидний энд дурдаагүй маш олон давуу талуудыг хэрэглэгчид болон хөгжүүлэгч бидэнд өгч байна.

Энэхүү хичээлээр Астро технологийг эхнээс нь дуустал эзэмшихээс гадна сурсан зүйлээ практикт туршихын тулд хэд хэдэн вэб сайтыг хийх болно. Уг сайтуудаар бид орчин үеийн бүрэн динамик болон статик сайтуудад өгөгдлийн сан, хуудаслалт, олон улсын хэлтэй ажиллахаас эхлээд юу л хэрэгтэй байдаг тэр бүгдийг хийж туршихаас гадна Firebase, Facebook login зэрэг сонирхолтой олон зүйлсийг сайтдаа ашиглаж сурах юм.

Та цаг үеээсээ хоцролгүйгээр эхний эгнээнд явахыг хүсч байна уу? Тэгвэл энэхүү сургалт таныг бусдаас илүү мэргэжилтэн болоход туслах болно.

За ингээд Астрог эзэмших гайхалтай аялалдаа хамт гарцгаая!